Bulan 11/2015 aku terbuka hati kan memiliki emas sendiri..
Yang mana sebelum ani, aku inda minat ni dengan Emas ah.. Perak jua ku puja2..yg aku gilai..
Kenapa aku mengilai Perak? Sebab dulu2 tu aku rasa aku inda mampu kan membali Emas atas sebab ia terlampau mahal kalau kan d bali d kadai emas yg bejuritan atu..jadinya erti kata lain.. AKU INDA MAMPU DAN BUKAN BANYAK USIN KAN BELI EMAS ANI..
Iath, bila udah terbuka hati kan beli, simpan dan sekaligus ingin memiliki emas sendiri ani..Aku join sebagai ahli Powergold masa bulan 11/2015 dengan harga pendaftaran pada masa atu B$120.00
Aku "Zero" tentang ilmu emas pada waktu atu...Bayangkan, aku masuk membabi buta tanpa kaji selidik.. Tanpa memikirkn risiko..Adakah selamat join ani? Banar kah Powergold ani?
Aku maklumkan pelakian ku.. Pasal aku join Powergold ani.. Marah pulang laki ku, katanya jangan sampai kana tipu saja.. Aku tetap bekaras jua dengan kemahuan dan dengan kedegilan ku atu..
Awal atu aku dapat emas free dari pendaftaran ku 0.5gram saja.. Duiii malaikuu, sejamput emas ani..Damit bahh.. Tapi inda apa kata ku dalam hati..Ani baru permulaan.. Simpan saja dulu..
Iatah sudah ni usulnya emas 0.5gram ah.. Damit kan? Macam inda membari-bari bah.. harga masa atu kalau membali dalam B$30.00+ utk emas sejamput ani..
Bulan pertama aku membali emas 1/4 Dinar dengan berat nya 1.0625gram saja.. Ku beli sebanyak 2 keping setiap bulan.. tapi mcm utk beberapa bulan saja lah masa atu.. Ada dalam 4-5bulan kali tu..
Nahh ani usulnya emas 1/4 Dinar dengn beratnya 1.0625gram..
Makin banyak emas ku beli dan simpan, makin kuat hati ani meronta-ronta untuk beli beli beli beli beli emasssss saja.. Ada duit saja, gatal ulu hati ani kan membali bah.. Inda lagi mikir kan risiko lain..yg penting Kumpul emas banyk2..Untuk masa depan saja..
Bisai nya d Powergold ani, inda pulang di paksa membali setiap bulan emas ani..Sama saja gaya nya kalau ketani kan membali udang dan ayam d pasar bah..
Macam bulan ani, ketani kan mau makan udang..d beli... bulan dapan kan membali ayam,d beli..bulan dapan lagi, bugdet tight..Jangan tah membali dulu udang sama ayam atu.. sama tah jua dengan beli emas sejamput ani.. Suka hati kan membali atau inda..Sendiri punya usin, sendiri yang control budget atu..
Sudah banyak ku kumpul emas 1/4 Dinar atu..Gatal hati kan membali yg 1gram Gold Bar Powergold sama 1gram Gold Coin Powergold..Mula tah kediaku membali 1-2 keping sebulan..Selagi ada labih usin atu, Pajam mata, paham hati saja membali emas..Pelakian ani,bulan2 bibiran sudah becakap "AUUUU JANGAN SAMPAI KANA TIPUHH"...
EMAS 1 GRAM GOLD BAR
1 GRAM EMAS GOLD COIN
Sambil-sambil aku membali emas untuk sendiri.. Setiap ku membali atu, masa atu Powergold membagi Point untuk setiap belian emas..Kalau membali 1gram,aku dapat RM1.00 (Bolehh lahh, berapa jua saja usin Brunei ketani kan tuu)...Point ani iatah d simpan di dalam Ewallet Powergold.biz ...Sana dapat Log In utk ahli Powergold saja..Kirakan macam akaun bah tu..
Ind sadar-sadar..Membali emas powergold ani,banyak tia sudah Emas sejamput ku ani.. Yg 1gram atu, sampai 5 keping saja..Aku tukar kan ke Emas 5 gram..
Nahh happy ku tedapat 5gram d tangan..Inda ku sangka dapat kumpul emas seberat 5gram..
Sudah ku meliat 5gram atu..Makin kambuh lagi gila kumpul Emas ku..Asal ada duit,beli...inda lepas peluang..
Inda cukup atu,ikut tarik gaji lagi ku tuu..Tarik gaji utk beli emas 5gram.. Rasa kan mau cepat kumpul emas banyak2..Makin lagi laki ku bising, ikut tarik gaji..Ku tetap gagah jua. inda ku peduli kurapak lakiku.. Dalam utak ku, Beli emas dan simpan saja..
Aku target masa atu utk kumpulkan 15gram..Bila sampai jumlah atu..Aku kan belajar Gadai > Beli Emas > Tebus dan ulang lagi..
atau aku gadai kan bila ku guna duit utk tambah usin ku bila inda cukup..Tambah usin utk cukupkan sampai terima ujung bln..
Mula-mula ku gadai 6gram emas ku..Dapat ku duit...Iath pakai ku menampal usin gaji yg inda cukup..Rasa kan menyampaikn terima lagi. Alhamdulillah..Sampai ja terima, aku tebus balik emas yg aku gadai 6gram tadi..
Membali emas bln2 atu rasa wajib bagi aku masa atu..Alum sampai target, alum beranti..
Ngam tah ada ahli bejual emas nya dengan harga "Buy Back"..Kira lagi murah tu daripada harga jualan.. Sekali lagi aku gadaikan..Rasa kan dapat beli emas dengan harga murah atu..sanggup ku gadai emas yg ku ada masa atu.. Nahhhh hasill, betambah emas ku..
Laki,biasalah..Bising selalu pasal ku beli emas ani..Aku ni mentingal, inda peduli kan riuh nya psl beli emas ani..Balik2 ia cakap, jangan sampai kana tipuu sajaa..
Inda terasa, bulan ani udah 1tahun 4bulan [Nov/2015 hingga April/2017] udah aku beli dan simpan emas Powergold ani..
46 Gram sampai hari ani 20/4/2017
Ujung bulan ani karang,giliran aku menerima usin tarik gaji..Yang mana tarik gaji ani, aku mau belikan 10gram emas..jadinya emas simpanan bertambah jadi 56gram..
Iatah udah tedapat banyak simpanan emas..Tetiba pelakian ani pun membali emas 10gram utk simpanan nyaa.. Mungkin terbuka mata hati n mata nya kepentingan simpan emas ani.. Alhamdulillahhh..Nahhh hasil, laki pun tedapat emass..Sejak2 atu, inda tia lagi bising pasal aku beli emas Powergold..Sebab ia tau beguna emas ani waktu emergency.
Kedia sendiri meliat apa hasil nya dari simpanan ku,aku gadai n dpt usin nya..Pakai kami bercuti.. pakai ku membali tayar kerita..dan banyak lagi lahh..
Sejak atu..pelakian inda lagi bising dan inda lagi cakap "JANGAN SAJA KANA TIPUUU"...
Karang ani,bibiran pulang ia cakap
"SIMPAN BISAI2 EMAS ATU!!"
"BUKAN KAN DI ANGGUNG EMAS ATU KESANA KEMARI, HILANG KARANG BARU TAU"
"JANGAN DI TINGGALKAN DALAM RUMAH KALAU INDA BEURANG"
Jadi nya.. kita pikir2 kan lah.. Dan nilai dengan akal fikiran yg logic ketani..Adakah Powergold ani INVESTMENT, YANG MENJANJIKAN PROFIT BERLIPAT GANDA?..Seperti yang biskita dangar?
Saya Sarah Powergold Brunei..Si Pembeli, Si Penyimpan Emas 1gram 1bulan utk 1keluarga..Simpan dan beli untuk kesenangan dan masa depan keluarga sendiri.. Dengan ini mau membagitau biskita semua..
Saya amat berpuas hati dengan Membeli dan menyimpan emas..dari Powergold dan akan terus membeli dan simpan inda kira apa jenama emas nya..Janji ia emas purity 999.9
Insyallah ujung bln ani..10gram dari Publicgold kan ku beli..
Terima Kasih Powergold
Alhamdulillah dgn rezeki mu Ya Allah..
